ئەڤرۆ سێشەمبی، رێکەفتی 1-9-2026ێ، به‌ڕێز "Klemens Semtner" باڵیۆزێ ئێكه‌تییا ئه‌وڕوپا ل عیراقێ و به‌ڕێزان "Christian Oelfke" كۆنسۆڵێ گشتی یێ كۆمارا ئه‌ڵمانیا فیدرال ل هه‌رێما كۆردستانێ و "Bertrille Snoeijer" جێگرا کۆنسۆڵێ گشتی یێ هۆڵەندا ل هه‌رێما كوردستانێ و شاندەکێ دگەل دا سەرەدانا پەیمانگەها تەکنیکی و پیشەییا ڕەند کر و ژلایێ "ماهر نادر" سەرۆکێ جڤاتا ئەمینداران و "د. کاوە عەبدولعەزیز"، ڕاگرێ پەیمانگەها تەکنیکی و پیشەییا ڕەند ڤە هاتنە پێشوازیکرن.
د کۆمبوونەیا ناڤبەرا هەردوو لاینان دا، گۆتوبێژەکا کۊر ل سەر پەرەپێدانا پەیوەندییێن ئەکادیمی، پشتڕاستکرنا هەڤکارییێن د ناڤبەرا ناڤەندێن خاندنا بلند و نوینەرێن نێڤدەولەتی دا، هەروەسا گرنگیا پێشئێخستنا کەرتێ پەروەردە و پێشەیی ل دەڤەرێ هاتە کرن.