چالاکیێن سەرەکێ
بەشەکان
پەیڤا رێڤەبەرێ
منى عبدالمجيد ياسين / Mona Abdel Majeed
ب ناڤێ خۆدایێ مه‌زن و دلۆڤان ئه‌م ل په‌یمانگه‌ها ره‌ند یا نه‌حكومی، مه باوه‌رییه‌كا تمام ب پاشه‌رۆژه‌كا گه‌ش ژبۆ قوتابیان و نه‌فشێ نوی ل هه‌رێما كوردستانێ ب گشتی، باژارێ دهۆكێ ب تایبه‌تی هه‌یه. هه‌روه‌ها مه دیتنه‌كا جودا و تایبه‌ت ژبۆ شێوازێ په‌روه‌رده و فێركرنه‌كا مۆدێرن و سه‌رده‌م هه‌یه، ژ پێخه‌مه‌ت مسۆگه‌ركرنا داهاتیێ قوتابیێن مه، پڕكرنا پێدڤیێن بازارێ كاری و چاوانییا گه‌شه‌كرنا شیانێن ده‌رچوویێن په‌یمانگه‌ها مه، ل گه‌ل ئه‌ڤان پێدڤییان و گۆهاڕتنا ژیانا سه‌رده‌م و گونجاندنا ئه‌وان ل گه‌ل هه‌ر پێشهاتێن زانستی و ئه‌كادیمی یێن بله‌ز دجیهانا ئه‌ڤرۆدا روودده‌ن. ب درێژاهییا ئه‌ڤان سالێن په‌یمانگه‌ها مه تێدا هاتییه دامه‌زراندن، ب رێكا ئه‌وان پشكێن زانستی یێن مه هه‌ین، هه‌رده‌م مه هه‌ولدایه ژینگه‌هه‌كا ساخله‌م و یا مۆدێرن و ل گه‌ل پێشهاتێن نوی ب گونجیت، ب خولقینین. ژبۆ ئه‌ڤێ مه‌به‌ستێ ژی، ب ده‌هان ده‌رچوویێن په‌یمانگه‌ها مه، ئه‌ڤرۆ دبازارێ كاریدا و د بیاڤێن جوداجودا یێن ژیانێدا، وه‌ك به‌ڵگه خۆ سه‌لماندینه و بووینه جهێ باوه‌ریا خێزان، خۆدان كار و به‌رپرسیارێن خۆ. ئه‌ڤه ژی بۆ مه، وه‌ك ستافێ په‌یمانگه‌هێ چ وه‌ك رێڤه‌به‌ر، ده‌سته‌یا وانه‌گۆتنێ و كادرێن رێڤه‌به‌رنێ و كارگیریێ، جهێ سه‌رفه‌رازیێیه. ب ئه‌ڤێ چه‌ندێ ئه‌م هه‌ست دكه‌ین مه په‌یامه‌ك د ژیانێدا هه‌یه، خۆدان ئارمانجین و مه شیاییه ببینه ئالاڤ و ئه‌گه‌ره‌ك ژ پێشكه‌ڤتنا وه‌لاتێ خۆ. د ژینگه‌ها په‌یمانگه‌ها ئه‌م تێدا كاردكه‌ین، زێده‌باری خواندن و فێركرنێ، ئه‌م كه‌سایه‌تییه‌كا بهێز ژبۆ ده‌رچوویێن خۆ فه‌راهه‌مدكه‌ین، ب شێوه‌یه‌كی خۆ ل به‌رامبه‌ر هه‌می ئالۆزی و ئالنگاریێن ژیانێ بگرن و ببنه بنیاته‌كێ بهێز ژبۆ خۆ، خێزان، گه‌ل و وه‌ڵاتێ خۆ ژی. هه‌روه‌ها مه هه‌وڵدایه، هۆلێن مه یێن خواندنێ ببنه گۆره‌پانێ داهێنانێ و قوتابێن مه تێدا بشێن شیان، هزر و خولیایێن خۆ تێدا تاقیبكه‌ن و بگه‌هنه ئارمانجێن خۆ. ئه‌م هه‌می پێكڤه، وه‌ك ئێك خێزانا مه‌زن خۆ دبینین. ب هاریكاری و حه‌زژێكرنێ و ده‌ستگرتنا ئێكودوو تا پشتی ده‌رچوونێ ژی، پالپشت و پشتگرێن ئێكین، له‌وڕا مه پێخۆشه، تۆ ژی ئه‌ڤرۆ ببیه به‌شه‌ك ژ خێزانا مه، ئه‌ندامه‌كێ جهێ باوه‌ری و خۆڕاگریێ بی و ئه‌م هه‌می پێكڤه، ب پشت ڕاستی به‌ره‌ڤ داهاتییه‌كێ گه‌شتر بچین.
4
بەشەکان
